Opnunartímar: 8-18 mán-fim, 8-16 fös.
Hafðu samband - Simi: (+354) 588 4970

Saga okkar

line2

Saga okkar nær allt til ársins 1990. Allar götur síðan höfum við lagt okkur alla fram við að veita viðskiptavinum okkar framúrskarandi þjónustu og munum halda því áfram um ókomna tíð.

Tímalína

line6

1990

Vörubíla- & Vinnuvélaverkstæðið er stofnað árið 1990 af Birni Guðmundssyni og konu hans, Kristínu Guðmundsdóttur. Björn var járnsmiður að mennt og hafði alla tíð haft brennandi áhuga á bílum af öllum stærðum og gerðum. Hann hafði unnið sem verkstæðismaður hjá stóru verktakafyrirtæki árum áður og hafði því töluverða reynslu og þekkingu á viðgerðum og þjónustu stærri atvinnutækja. Með þá reynslu í farteskinu lagði hann allt undir þegar hann ákveður að fara útí sjálfstæðan rekstur.

1990-1993

Fyrstu árin var Björn eini starfsmaðurinn. Hann byrjar með opnun verkstæðis að Smiðshöfða 19. Eftir rúmt ár þar færir hann sig yfir á Stórhöfða. Helstu viðskiptavinir hans á þessum tíma voru hinir ýmsu jarðvinnuverktakar.

1993-1996

Húsasmiðjan hafði á þessum tíma beðið Björn um að sjá um viðhald og þjónustu á tækjum sínum. Á þessum tíma er Húsasmiðjan staðsett í Súðarvogi 3-5. Hann flytur verkstæðið í Súðarvog 38 til að vera nær Húsasmiðjunni og fyrstu starfsmenn Björns eru ráðnir til starfa. 

1996

28. júní 1996 urðu mikil kaflaskipti í sögu fyrirtækisins þegar Kristín, kona Björns tekur fyrstu skóflustunguna að nýju verkstæði sem átti eftir að rísa við Tranavog 3. Þetta var glæsilegt verkstæði sem tekið var í notkun á fyrstu mánuðum ársins 1997. Þessi flotta aðstaða gaf svigrúm til að bæta í hóp viðskiptavina, sem þá þegar var ört stækkandi. 

1997-2007

Á þessum árum var í nóg að snúast, starfsmönnum fjölgaði og reksturinn stækkaði. Kristín var ráðin inn til að sjá um bókhald og starfsmannamál svo Björn gæti einbeitt sér að daglegum rekstri verkstæðisins.

1 desember 1997 tekur til starfa ungur drengur úr Hafnarfirði sem þá hafði um nokkurt skeið unnið við viðgerðir á aftanívögnum fyrir landflutningadeild Eimskipa. Með honum koma þessi viðskipti í Tranavoginn. Þessi ungi drengur er Grétar Agnarsson og starfar hann enn hjá fyrirtækinu.

2007-2017

Sonur þeirra hjóna, Guðmundur, hafði alla tíð verið að snúast í kringum þau hjónin á verkstæðinu og vann um tíma á verkstæðinu við viðgerðir.

1. apríl 2007 kaupir Guðmundur allan hlut þeirra hjóna í fyrirtæki og tekur við rekstri þess. Björn og Kristín gátu verið stolt af því sem þau höfðu byggt upp á þessum 17 árum með dugnaði og elju og sáu sér nú fært á að taka því rólega á komandi árum.

Sá sorglegi atburður gerðis 8. júní 2008 þegar Björn varð bráðkvaddur í sumarhúsi sínu í Biskupstungum, þá aðeins 64 ára. Hans er sárt saknað. Minning hans lifir áfram í hjörtu allra sem fengu að kynnast þessum einstaka manni.

2017 -

Fyrirtækið hefur haldið áfram að dafna í gegnum árin og tími breytinga var runninn upp. 10 júní 2017 var tekin fyrsta skóflustungan að glæsilegu rúmlega 2.300 m2 húsi við Desjamýri 10.

Nýtt og glæsilegt hús var tekið í notkun í nóvember 2018. Öll aðstaða til fyrirmyndar.

Húsið hefur 10 innkeyrsluhurðir og gegnumkeyrslu í 4.

Samhliða flutningum í nýtt húsnæði var ákveðið að breyta um nafn á fyrirtækinu og um leið heiðra minningu stofnanda fyrirtækisins, Bjössa heitnum. Hann var iðulega kallaður Bjössi "Sleggja". 

Sleggjan Þjónustuverkstæði ehf varð til, en rétt er að taka það fram að eingöngu var um nafnabreytingu að ræða, sama kennitala frá 1990.


Sleggjan Þjónustuverkstæði ehf.

Desjamýri 10, 270 Mosfellsbæ
Simi 588 4970

Opnunartímar: 8-18 mán-fim,
8-16 fös.

sleggjan(hjá)sleggjan.is

Kt: 650190-1309

Vsk: 20711

FF2014-2017_200

Vilt þú vinna með okkur?

Hefur þú áhuga á að vinna með frábærum og samheldnum hóp?

Sendu okkur umsókn og þú gætir orðið hluti af #Team_Sleggjan